ТВРДИ ДЕКА САКАЛЕ ДА ГО ОЦРНАТ: Хајрулахи вели дека истрагата против него била за да го замолчат
Објавено во: Македонија 12 Ноември, 2024
Суспендираниот шеф на Вишото јавно обвинителство, Мустафа Хајрулахи, против кој обвинителството во Штип отвори истрага за мобинг и злоупотреба на службената должност обвинува дека целиот случај има заднина.
Тој го спомена државниот обвинител Љупчо Коцевски и една обвинителка, која како што кажа има претензии да го заземе неговото место. Хајрулахи не сакаше да каже дали се работи за обвинителката Фатиме Фетаи. Вели дека не знае кој од обвинителите, му поднел пријава за малтретирање на работно место. Како што кажа, кривичната е поднесена на 31 октомври.
„Дојдоа кај мене тројца од четворицата обвинители од вишото и ми признаа дека имале инструкции и оти биле излажани, така им било кажано, да се оцрни мојата работа. Ми рекоа: обвинителе, ќе ве разрешат и ќе дојде на вашето место обвинителката која го сака тоа место“, објасни суспендираниот обвинител.
Уште еднаш кажа дека државниот обвинител Љупчо Коцевски му вршел притисок со цел обвинителството со кое тој раководи да ја потврди одлуката на обвинителството за организиран криминал и корупција за предметот оформен по кривичната пријава на ВМРО-ДПМНЕ, а станува збор за бонусите кои им ги делеше поранешната специјална јавна обвинителка Катица Јанева на поранешните специјални обвинители.
Државниот обвинител Љупчо Коцевски ги отфрла обвинувањата од Хајрулахи. Од неговиот кабинет велат дека одлуката за суспензија била превентивна, да не влијае штетно врз работата на обвинителството со кое раководи.
фото принтскрин
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
Можеби ќе ве интересира
Политичка иницијатива за укинување на Тик-Ток во Македонија
Четири лица во болница по судар на два автомобили кај Булачани, еден од возачите почина
Албански интелектуалци му пишаа на Уставниот суд: Не дозволувајте политичко влијание
Каранфиловска Панова: Не сум формален член на СДСМ, но статутот дозволува да бидам потпретседател на партијата
Град Скопје смета дека доволно е украсено предновогодишно
Ќе му се суди на мажот што ја претепа поранешната сопруга во Љубанци
Стружанец обвинет за учество во интернет групи со детска порнографија
