ТРОЈНИОТ УБИЕЦ КОЈ ИЗВРШИ МАСАКР ВО СРБИЈА СИ ПУКАШЕ САМИОТ ВО ГЛАВА: Се самоуби кога го опколила полицијата
Објавено во: Балкан 16 Јануари, 2021
44-годишниот
Енедин Т. кој денес изврши масакр кај Сјеница, се самоуби кога беше
опколен од полицијата. Тој е
осомничен за убиството на неговата поранешна сопруга, и нејзините родители, а во масакрот во селото Расно, кај Сјеница се ранети
уште три лица.
Самиот си пукал во глава во неговото родно село Долиќе, кога повеќе немал каде да бега, односно кога полицијата го опколила.
Рано утринава, во селото Расно, тој упаднал во куќата на неговата поранешна сопруга Бисера. (44) и ги убил неа и нејзините родители, таткото Фехим (64), и мајката Шефка, а го ранил нејзиниот брат Беким. (35), како и двајца соседи кои се нашле во куќата. Како што дознава српски Курир, во куќата биле и малолетните деца на Енедин и Бисера на возраст од 6 и 8 години. По интензивната потера во која учествувале хеликоптери, убиецот набргу бил лоциран во близина на селото Долиќе и бил опколен. Кога се нашол заробен, Енедин испукал еден куршум во главата.