Триесет и тригодишник загинал откако автомобилот во кој се возел излетал од коловозот
Објавено во: Македонија 20 Јануари, 2020
Триесет и тригодишен жител на селото Моноспитово вчера загинал откако автомобилот во кој бил сопатник изгубил контрола и излетал од коловозот, во близина на селото Габрово, струмичко. Во оваа сообраќајна несреќа повредени биле и возачот, како и другите двајца сопатници во автомобилот.
МВР извести во својот билтен за сообраќајната несреќа.
„На 19.01.2020 во 17.00 часот во СВР Струмица било пријавено дека кај крстосницата „Габровски водопади“ во близина на с.Габрово, струмичко, В.М.(38) од с.Моноспитово, струмичко, управувајќи патничко возило „бмв“, со струмички регистарски ознаки, изгубил контрола и излетал од надвор од коловозот. Во незгодата со тешки телесни повреди се здобил сопатникот Д.Д.(33) од с.Моноспитово, по што бил пренесен во Медицинскиот центар Струмица, каде починал. Со телесни повреди се здобил возачот и уште двајца сопатници, М.Г.(36) и С.С.(35), двајцата од с.Моноспитово, кои биле пренесени во Медицинскиот центар Струмица за укажување на лекарска помош. Увид на местото на незгодата извршила увидна екипа од СВР Струмица“, стои во соопштението од Министерството за внатрешни работи.