Три месеци се чека за нега од друго лице, Бајрактар вели од понеделник ќе биде се во ред

Добивај вести на Viber

Во моментов три месеци е отежнато издавањето на решенијата од центрите на Министерството за труд и социјална политика за паричен надоместок за помош и нега од друго лице а во меѓувреме се закани и коронавирусот. Ѓонул Бајрактар, заменик-министерот за труд и социјална политика, денеска ги смируваше засегнатите кои си ги очекуваат своите права дека решенијата почнале да се потпишуваат.

- Најнова вест е дека се потпишани правата на надомест и од понедленик граѓаните ќе ги добијат сите, рече на денешната прес-конференција Бајрактар, одговарајќи на големиот број на поплаки на застојот од голем временски период.

Огромен број на предмети се бокирани по законската одлука да се формираат 15 стручни комисии, од кои 5 се во Скопје, наместо едната комисија на национално ниво. Бајрактар.најави дека во наредниот период  и тие што не се внесени во системот на социјална заштита а остварувале приходи од неформална економија, ќе бидат внесени во системот со гарантирана минимална помош и енергетски додаток.

- Оние што сега се без работа во неформална економија, ќе бидат брзо внесени во системот преку остварување на правото на миниманата гарантирана помош. Ќе ја добијат врз основа на вкупната приходна основа на сите членови од семејството од последниот месец, наведе Бајрактар.

Заедно со дополнителната заменик-министерка за труд и социјална работа, Санела Шкриељ, ја уверуваат јавноста дека системот е дизајниран лесно да се прилагодува на бројот на граѓаните што ќе побараат помош во наредниот период.