ТРЕТА ДОЗА ОД ВАКЦИНИТЕ ПРОТИВ КОВИД НЕ ТРЕБА ДА СЕ ДАВА СÈ ДО КРАЈОТ НА СЕПТЕМВРИ: СЗО бара прво праведна распределба
Објавено во: Свет 05 Август, 2021
Светската
здравствена организација смета дека прво треба правдно да се распределат
вакцините против корона вирусот, а потоа земјите да започнат со аплицирање на
третата доза. Тоа би било најрано кон крајот на септември.
-Поради недостигот од вакцини во државите со ниски приходи вакцинирани се 1,5 лица на секои 100 жители. Мораториумот на давањето трета доза до крајот на септември ќе овозможи да се вакцинираат најмалку 10 отсто од граѓаните на секоја земја. Не можеме да прифатиме дека земјите кои веќе искористија најголем дел од глобално достапните вакцини ќе искористат уште повеќе, изјави генералниот директор на СЗО Тедрос Аданом.
Дел од земјите веќе почнаа на своето население да аплицира и трета доза, а водечка е Израел. Освен тоа, трета доза се дава и во Обединетите Арапски Емирати, Германија и Велика Британија, а приоритет е повозрасната популација и хроничните болни.