ТРАГЕДИЈА ВО ДЕЛЧЕВСКО: Шестгодишно детенце починало при пад од трактор
Објавено во: Македонија 06 Јуни, 2020
Шестгодишно детенце починало откако паднало од трактор. Ова се случило во делчевската населба Таушанско маало.
Откако примила повик Екипа на Итната медицинска помош интервенирала, а од страна на дежурниот лекар биле констатиран потрес на мозокот кај повреденото дете кое било во кома.
„Со возило на Итната медицинска помош, шестгодишното дете е префрлено во кочанската болница, но тоа починало пред пристигнувањето на болницата, каде била констатирана смртта“, информирале од делчевскиот Здравствен дом.
Јавен обвинител е запознаен за случајот. Според кажувањата на очевидци, како што додадоа од болницата, детето починало по пад од трактор, со кој како што додаваат, управувал неговиот тетин.