Топ-5 најзадолжени јавни претпријатија: ЈП „Колекторски систем“ експресно влезе меѓу првите
Објавено во: Економија 23 Јануари, 2020
Јавните претпријатија и општините и натаму имаат тешкотии со динамиката на намалување на јавниот долг, покажува најновиот извештај на Министерството за финансии, а новоформираното претпријатие ЈП „Колекторски систем“ Скопје експресно изби во првите пет.
ЈП „Колекторски систем“ Скопје натрупало долг од речиси 10 милиони евра, а пред три месеци не беше на листата на топ 15 државни должници, а зошто сега дојде на високото петто место, не е познато.
Лидерската позиција долго време е резервирана за државната компанија „Македонски железници“ Транспорт, кое не само што не го намалува долгот, туку истиот го зголемува. Сега обврските тежат 54 милиони евра, односно два милиони евра за период од три месеци.
Скок на второто место направи „Проаква“, претпријатието надлежно за Охрид и за Струга, кое треба да се грижи за заштита на Охридското езеро и за водоводот. Истото има долг од околу 13,8 милиони евра
Влошување има и на останатите седум позиции од Топ-10 листата на „Фактор“.