Томислав Тунтев сработи без добивка и со поголеми расходи
Објавено во: Економија 18 Февруари, 2020
Томислав Тунтев својата прва година како директор на Агенцијата за цивилно воздухопловство, ја заврши без добивка на регулаторното тело за безбедноста во авионскиот сообраќај, покажува годишниот биланс.
Според годишниот финансиски план на АЦВ, иако се уште неофицијално потврден, приходот, кои главно доаѓа од меѓународни прелети, ќе изнесува 198 милиони денари, а речиси исто толку треба да изнесуваат и трошоците, каде што доминираат платите и чланарините.
Искусниот воздухопловец на почетокот од 2019 си поднесе оставка како пратеник во Собранието и веднаш потоа беше назначен за прв човек на Агенцијата.
Приходите за 2018 и 2017, според годишните извештаи, изнесувале 225, односно 195 милиони денари. Трошоците биле помали споредбено со 2019 и изнесувале 180 милиони во 2018, односно 165 милиони во 2017. Неоданочените добивки на крајот биле 45, односно 31 милион денари.
Мора да се признае дека на намалувањето на приходите влијае и намалувањето на парите кои доаѓаат по основ на камати. Во 2018 година тие изнесувале 36,3 милиони денари, а во 2017 забележани се 25,5 милиони денари пресметани и наплатени камати на побарувања
од купувачите во земјата во извршна постапка. Тие лани изнесувале само 16,5 милиони, додека трендот на опаѓање ќе продолжи и оваа година во која се очекува да бидат само 100.000 евра.
Години наназад АЦВ имаше пад на приходите во низа, а пред десетина години имаше проблеми и како должник на УЈП.
А.К.
Можеби ќе ве интересира
СТРИМИНГ ГИГАНТОТ ГИ ИЗНЕНАДИ АНАЛИТИЧАРИТЕ: наспроти забраната за делење лозинка - голем раст на профитот и претплатниците
Марко Бислимовски останува вонреден претседавач на Бордот на регулатори на Енергетската Заедница
ЕСКАЛАЦИЈАТА И ТЕНЗИИТЕ НА БЛИСКИОТ ИСТОК ЈА КАЧИЈА ЦЕНАТА НА НАФТАТА: Еве како да тргувате со црно злато
„АЛКАЛОИД“ СЀ ПОБЛИСКУ ДО ЕВРОПА: Компанијата регистрираше ново друштво во Хрватска, осми по ред правен субјект основан во земја членка на ЕУ
„НАЈСРЕЌЕН СУМ КОГА ГО СОБИРАМ СЕМЕЈСТВОТО И ОДИМЕ ДА ПАКУВАМЕ МЛЕЧНИ ПРОИЗВОДИ“ - познатиот бизнисмен Дабевски ексклузивно за „Бизнис муабети“ на Фактор
ЗА ПОМАЛКУ ОД 2 МЕСЕЦИ: Кој директор на државна фирма успеа да потроши 35 милиони евра?
ЗА ПЛОЧКАР, МОЛЕР, ФАСАДЕР МОЖЕ ДА СЕ СЛУЧИ ДА ЧЕКАТЕ СО МЕСЕЦИ: Дали се ова „златни времиња“ за занаетчиите?
„ДЕБАРСКИ БАЊИ-ЦАПА“ НАЈАВУВА ИНВЕСТИЦИИ ЗА ГОДИНАВА ОД 163 ИЛЈАДИ ЕВРА - и дивиденда за акционерите, сепак, ќе има
Финансиските инспектори лани биле страв и трепет за функционерите
