29 Март, 2024
0.0328

Тиквеш: На „тимбилдинг“ одат сите вработени, секој да изгради поцврста врска со производот

Објавено во: Економија 20 Септември, 2019

Добивај вести на Viber


Винаријата „Тиквеш“ по пишувањето на „Фактор“  вели дека „тимбилдингот“не е изговор за да ги испраќа вработените од Скопје надвор од работното време на лозовите насади во пикот на гроздоберот.

Ангажирани се сите вработени, од различни сектори и на различно хиерархиско ниво. Се прави посебен распоред и термински план за ангажманот, кој во текот на бербата се прилагодува согласно дневните потреби. Се работи во две смени и секој добива конкретна задача што треба да ја извршува, велат од винаријата „Тиквеш“ во одговорот на прашањата на Фактор за практиката секој вработен да бере грозје за време на гроздоберот. Велат дека ова се прави сите да се запознаат изворно со производот.

Од таму велат дека оваа практика ја спроведуваат неколку години, додека бербата е период кога интензитетот на активностите за секоја винарница е најголем.

- Климатските услови го диктираат темпото и реалните потреби на терен, а секоја берба е различна затоа што никогаш не се повторуваат идентично овие услови. Сакавме секој вработен да ја почувствува оваа динамика и да изгради уште поцврста врска со производот, да го запознае подобро виното и да чувствува дека дал придонес во неговото создавање. Виното е производ со приказна и ако не знаете да ја раскажете изворно, не можете да бидете дел од оваа индустрија, велат од таму.

Од таму велат дека вработените во администрацијата не се замена за недостигот на сезонските работници, кои претставуваат проблем да бидат ангажирани.

- Секоја година ангажманот на сезонски работници станува се посериозен проблем. Но сепак, состојбата на пазарот на труд со сезонските работници, не е нималку причина за нашата одлука сите вработени да учествуваат во бербата. Нашата цел е сите да се запознаат со процесот на создавање на врвно вино, од бербата па се до чаша. Паралелно работиме и на постојани инвестиции и модернизација. Годинава почнавме со значајна инвестициска програма во сегментот на примарното производство со која до крајот на годинава предвидени се вложувања од над милион евра во нови, но и обновување на лозови насади на површина од 100 хектари. Дополнително, во наредните три години, постепено ќе бидат обновени и над 50% од постојните 1000 хектари сопствени лозови насади на „Тиквеш“. Со обновувањето се врши замена на помалку функционалните сорти со перспективни сорти грозје наменети за производство на вина од премиум сегментот, но и се создаваат услови за машинска берба на грозјето што не бара голем ангажман на човечки ресурси. Па така, при садењето особено се внимава на растојанието меѓу редовите заради подобар пристап при машинската обработка на лозовите насади и берење на грозјето, гласи објаснувањето на „Тиквеш“.

Од таму тврдат дека кај вработените кои се испраќаат на ваков тип на „тимбилдинг“ не постои скриено незадоволство од ваквата практика.

- За вработените ова претставува одлична активност за зајакнување на тимскиот дух и соработката. На тој начин подобро се запознаваме меѓу себе и подобро функционираме за сите останати активности и одговорности во текот на останатиот дел од годината. Има и забавни моменти и заедничко дружење, а голем дел од нив сметаат дека промената на работната средина е добредојдена, одговараат од „Тиквеш“.

За тоа дали им се плаќа дополнително ваквиот ангажман, од таму велат дека се води сметка ангажманот на секој вработен да биде во согласност со предвиденото работно време и законски одредби и согласно вкупниот ангажман и евентуалните прекувремени работни часови се утврдуваат и дополнителни износи.


Можеби ќе ве интересира

ЗА ЕДНО ЕВРО РУЧЕК И ПРЕВОЗ: Oва е најевтината земја за живеење

ЗА ЕДНО ЕВРО РУЧЕК И ПРЕВОЗ: Oва е најевтината земја за живеење

МИЗО ПОТВРДИ ДЕКА ЗА ОВА РАЗГОВАРАЛЕ СО МИНИСТЕРСТВОТО ЗА ФИНАНСИИ: Македонија треба да се адаптира на глобалниот минимален данок на добивка од 15 oтсто

МИЗО ПОТВРДИ ДЕКА ЗА ОВА РАЗГОВАРАЛЕ СО МИНИСТЕРСТВОТО ЗА ФИНАНСИИ: Македонија треба да се адаптира на глобалниот минимален данок на добивка од 15 oтсто

ПЧЕНИЦАТА ПОЕВТИНИ: Цената на златото и нафтата скокнаа

ПЧЕНИЦАТА ПОЕВТИНИ: Цената на златото и нафтата скокнаа

БИТИЌИ Е ОПТИМИСТ: Вели дека со влезот во ЕУ просечната плата ќе изнесува 1.300 евра

БИТИЌИ Е ОПТИМИСТ: Вели дека со влезот во ЕУ просечната плата ќе изнесува 1.300 евра

Новите газди го вратија стариот сјај! Како „Скопски пазар“ ќе направи над 10 милиони евра приходи?

Новите газди го вратија стариот сјај! Како „Скопски пазар“ ќе направи над 10 милиони евра приходи?

ВЛЕГЛЕ ВО КАНЦЕЛАРИЈАТА НА GOOGLE ВРЕДНА ДВЕ МИЛИЈАРДИ ДОЛАРИ - „баш е таква каква што ја замислувавме, право одморалиште“

ВЛЕГЛЕ ВО КАНЦЕЛАРИЈАТА НА GOOGLE ВРЕДНА ДВЕ МИЛИЈАРДИ ДОЛАРИ - „баш е таква каква што ја замислувавме, право одморалиште“

ЦЕНТРАЛНОЕВРОПСКИ ДОГОВОР ЗА СЛОБОДНА ТРГОВИЈА - ДОПОЛНИТЕЛЕН ПРОТОКОЛ 6 - еве кои се предностите

ЦЕНТРАЛНОЕВРОПСКИ ДОГОВОР ЗА СЛОБОДНА ТРГОВИЈА - ДОПОЛНИТЕЛЕН ПРОТОКОЛ 6 - еве кои се предностите

Битиќи: Во 2025 работна недела од 7 часа дневно во одредени сектори

Битиќи: Во 2025 работна недела од 7 часа дневно во одредени сектори

МАКЕДОНСКИТЕ ЧОКОЛАДИ САМО МАЛКУ ПОВКУСНИ ЗА СТРАНЦИТЕ - како „Европа“ профитираше со 600 илјади евра и дали е тоа добар резултат

МАКЕДОНСКИТЕ ЧОКОЛАДИ САМО МАЛКУ ПОВКУСНИ ЗА СТРАНЦИТЕ - како „Европа“ профитираше со 600 илјади евра и дали е тоа добар резултат