ТИ ОСТАВИВ ПАРИ ДА КУПИШ ТОН И ПОЛ КОМПИРИ - смешната страна на кокаинот
Објавено во: Македонија 20 Февруари, 2020
Првичната информација дека во Крушопек биле пронајдени еден тон и половина кокаин, за која подоцна излезе дека не е вистината, туку дека се работи за еден килограм и половина, предизвика бројни шеговити реакции на социјалните мрежи.
Една од нив е на актерот Драган Спасов-Дац, кој напиша.
„Ти оставив пари, утре да купиш тонипол компири“, пишува Дац на својот фејсбук профил.
„Што знае дете што се 1,3 тони кокаин...“, напиша новинарот Горан Теменугов на својот фејсбук профил.
„‚1,3 тони кокаин пронајдени во Сарај' Градоначалникот побара припојување кон Колумбија“, пишува Божидар Божиновски на фејсбук.
Кокаинот кој бил најден во Крушопек бил сокриен во кутија со банани.
Техничкиот министер за внатрешни работи Наќе Чулев вчера објави дека повеќе детали за акцијата ќе соопшти денеска.
„Ја информирам јавноста дека Министерството за внатрешни работи во овој момент презема широк спектар на оперативни мерки и активности. По насоки на јавен обвинител и по наредба на судија на претходна постапка се вршат претреси на подрачјето на село Крушопек во близина на Скопје поради недозволена трговија со дрога. Целиот капацитет на Министерството за внатрешни работи е ставен во заштита на граѓаните и безбедноста на државата. Помина времето кога високото раководство во МВР соработуваше и ги поддржуваше криминалните структури во државата, објави Чулев синоќа.