20 Јуни, 2019
0.0278

Тевдовски: Имаме подобри економски резултати од претходната власт

Објавено во: Економија 12 Јуни, 2019

Драган Тевдовски, министерот за финансии, денеска рече дека воведувањето на прогресивен данок за доходи кои месечно надминуваат 1.500 евра се покажало како исправно, бидејќи краткорочните резултати од оваа година велат дека има раст на платите, вработувањето, БДП и наплатата на даноците.

- Велеа дека ќе бидат погодени платите на програмерите и оние во секторот комуникации. Тие се најголеми плати и најчесто го надминуваат прагот од 1.500 евра за прогресивно оданочување. Платата на програмерите е за 5,5 отсто зголемена оваа година споредено со истиот период лани, а кај комуникациите вработувањето е зголемено за 1.500 лица во однос на првиот квартал од 2018 - вели Тевдовски. 

Додаде дека има дополнителни 17.000 вработувања по првите три месеци од 2019, а невработеноста е сведена на 17,8 отсто. Тевдовски не сакаше да одговори децидно дали платата, според владината програма, ќе достигне просек од 500 евра до крајот на редовниот мандат, но вели дека економските резултати биле подобри од претходната власт.

- Остваруваме многу позитивни резултати, растот на платите се одвива постојани. Динамиката на нивниот раст е многу побрза отколку онаа на претходната власт. Во последните пет месеци тој е 3,4 отсто и е поголем од просекот од последните седум години кој изнесува околу 2 отсто. Ние ќе продолжиме да правиме притисок тие да растат се повеќе - рече Тевдовски.

Смета дека неговиот однос со бизнис заедницата не се влошил по имплементацијата на новата фискална политика со прогресивниот данок.

- Имам редовна комуникација со бизнис-секторот, редовно одам на средби со Стопанската комора. Имаме сет на мерки за поддршка на бизнис фелата, а особено за оние кои ја зголемуваат платата. Министерството за финансии има свои инструменти за нивна поддршка и средства со кои им помага. Последните резултати покажуваат дека праведното оданочување не му наштетува на бизнисот и не ја блокира економијата - наведе Тевдовски.

Додаде дека шпекулантите тврделе дека со воведувањето на овој данок ќе се загрозела вработеноста кај младите, но таму, според министерот, бројот на вработувања на лица до 24 години во јануари, февруари и март годинава е плус 4.5 илјади.

- Велеа дека ќе ослабне и индустријата, а таа нарасна за 7,9 отсто од јануари до април, а просекот од последните седум години е 2,7 проценти. Треба да се знае дека парите собрани од овоа профресивно оданочување одат за социјално најранливите. Социјалната реформа е спорведена и од оваа недела зпаочна исплата на повисоки трансфери за 25 илјади домаќинства - тврди тој.

Наплатата на личниот данок на доход оваа година досега е за околу 17 отсто повеќе, што според Тевдовски ги негира некои од прогнозите дека ќе имало даночна евазија. 

Можеби ќе ве интересира

Борба на титаните: кои се најплатените банкари во земјава?

Борба на титаните: кои се најплатените банкари во земјава?

Мила Царовска: За прв пат исплатени пензии без задолжување

Мила Царовска: За прв пат исплатени пензии без задолжување

Миќиќ Божиновска: Повратот на ДДВ е повеќе популистичка отколку мерка за враќање на парите

Миќиќ Божиновска: Повратот на ДДВ е повеќе популистичка отколку мерка за враќање на парите

Теменугов: Буџетот е растегнат како мрсулче

Теменугов: Буџетот е растегнат како мрсулче

ВМРО-ДПМНЕ: Главна цел на младите не е да собираат фискални, туку да соберат пари за да купат карта за заминување

ВМРО-ДПМНЕ: Главна цел на младите не е да собираат фискални, туку да соберат пари за да купат карта за заминување

Нова светска економска криза во 2020 година

Нова светска економска криза во 2020 година

Идната година ќе ги укинат квотите за странски работници

Идната година ќе ги укинат квотите за странски работници

МИСТЕРИЈА: Kaде е златото на СССР?

МИСТЕРИЈА: Kaде е златото на СССР?

Павле Гацов даде пример како да ви се врати максимално дозволениот износ на ДДВ од 28.000 денари годишно

Павле Гацов даде пример како да ви се врати максимално дозволениот износ на ДДВ од 28.000 денари годишно