Тевдовски ги објави, но не ги посрами најзадолжените јавни претпријатија и општини
Објавено во: Економија 23 Јануари, 2020
Вкупно 1.047 јавни претпријатија, општини и други дрќавни институции на национално и локално ниво за три месеци успеале да го намалат вкупниот број за само 7 милиони евра, покажуваат резултатите објавени од Министерството за финансии објавени за крајот на 2019.
Тие на крајот на минатата година заедно борчеле близу 272 милиони евра, со тоа што мора да се признае дека неплатените долгови на државните институции долго време беа тајна, а прв почна да ги објавува поранешниот министер за финансии, Драган Тевдовски.
Министерството во текот на 2017 година направи детална анализа за нивните вкупни обврски кон доверителите, а потоа јавно беа објавени на веб страната на Финансии. Целта беше да може да се види која институција колку должи, а со тоа и да се засрамат и да го подобрат своето финансиско работење.
Вкупниот долг од тогаш за две и пол години е намален за околу 90 милиони евра, но се уште оние најголемите борчлии, особено големите јавни претпријатија и општини, навлегуваат во поголеми задолжувања, што може да се види на Топ-10 листата која ја изготви „Фактор“.
Треба да се каже и дека Владата во меѓувреме им префрли на општините дури 50 милиони евра за да се раздолжат кон приватните фирми-доверители.