ТЕНЗИЈА ВО ЦРНА ГОРА: Притвор за Владиката Јоаникиј и седум свештеници поради одржана литија

Добивај вести на Viber

Владиката будванско никшички Јоаникије и седум свештеници на Српската православна црква, кои беа изведени во полициско сослушување во својство на граѓани синоќа околу 22 часот за одржување на литургијата во Никшиќ, околу 3 часот утрово се однесени и на распит во обвинителството, објави „Блиц“.

„Тие се обвинети за кривично дело непочитување на здравствените регулативи за сузбивање на опасна заразна болест, затоа што, спротивно на наредбите на Министерството за здравство, ја прекршија забраната за собирање во јавни простори и организираа верски церемонии на улиците на Никшиќ, на кои присуствуваа голем број граѓани“, стои  во изјавата потпишана од државниот обвинител и портпарол, Стево Чекариќ.

Во полицијата биле задржани неколку часа. 

- Полицијата и свештениците беа држени од полицијата скоро пет часа и околу три часа по полноќ тие беа донесени на сослушување од страна на државниот обвинител во Никшиќ - изјави за „Блиц“ адвокатот Далибор Кавариќ, застапник на Митрополитот црногорско-приморски и Српската православна црква во Црна Гора.

Адвокатот Кавариќ потсетува дека по сослушувањето, обвинителот би можел да ги ослободи или да нареди да бидат притворени до 72 часа, во кој случај, обвинителот мора да ги донесе кај истражен судија, кој може да му одреди притвор до 30 дена.