ТЕХНОЛОШКИОТ ГИГАНТ ЕПЛ ГИ ОТВОРА ПРОДАВНИЦИТЕ: Во Европа прво во Виена
Објавено во: Свет 05 Мај, 2020
Познатиот светски концерн Епл од денеска во Европа, прво во Виена повторно ги
отвора продавниците, прв пат откако затворија поради пандемијата на корона
вирусот. Епл ги затвори своите продавници ширум светот, но откако помина
критичниот бран, прво отвори во Кина и во Јужна Кореја.
-Се радуваме што од вторник повторно може да ги поздравиме нашите посетители во продавниците во Виена. Ни недостигаа клиентите и се радуваме што поворно ќе бидеме заедно, порачува Епл.
Најавено е дека продавниците ќе бидат отворени со одредени мерки на безбедност, како што е социјалното дистанцирање, а ќе има и прилагодено работно време, за да се обезбеди клиентите и вработените да останат здрави. Од овие причини, продавницата на Епл во Kertnerstrasse, ќе работи од 11 до 18 часот. Пред влезот ќе има персонал на Епл кои ќе внимава на тоа дали купувачите носат заштитни маски, а истовремено ќе им мерат и температура.
Исто така, ќе биде ограничен и бројот на луѓе кои ќе влегуваат. Предност ќе имаат долгогодишните корисници на Епл на кои ќе им биде потребна техничка поддршка и сервис, а оние кои сакаат да купат некој производ, ќе мора најверојатно ќе треба подолго да чекаат.