Талат Џафери: Измените на ВМРО-ДПМНЕ за Законот за јазици нема да поминат
Објавено во: Македонија 11 Декември, 2019
Талат Џафери, претседателот на Сабранието, вели дека предлог-измените на Законот за употреба на јазиците кои ги најавува ВМРО-ДПМНЕ нема да поминат во Законодавниот дом бидејжи, според спикерот, за тоа е потребно двојно мнозинство односно Бадентерово мнозинство.
– Во Собранието има група закони кои се носат со двојно мнозинство т.е. со Бадентеровото мнозинство и секој подносител на таков предлог би требало да има предвид дека конечната одлука зависи од волјата на тие што се немнозински пратеници, а во оваа ситуација имајќи предвид дека мнозинството на немнозинските пратеници или Бадентеровото мнозинство го сочинуваат пратениците Албанци, предлагачите треба да обезбедат таква согласност. Законот за употреба на јазиците е донесен со такво мнозинство и секоја измена содветно се донесува со такво мнозинство, вели Џафери.
Како што вели Џафери, мислењето на Венецијанската комисија за Законот за јазиците е необврзувачко и институциите се тие кои треба да обезбедат услови за истиот да функционира во праксата, особено во спорниот дел од правосудството.
- Впрочем секоја институција е должна да обезбеди инфраструктура за да ги спроведе законите онака како што ги донел законодавниот дом, рече Џафери.