Таки Фити: Можеби слични проблеми ќе имаме со преродбениците-револуционери

Добивај вести на Viber

Претседателот на МАНУ, Таки Фити, во синожепната „24 Тренд анализа“ коментирајќи го прашањето за припадноста на Гоце Делчев околку кој се води спор помеѓу македонската и бугарската комисија во мешовитиот комитет, рече дека преку овој спор во иднина може да се создадат новио проблеми околу статусот на македонските преродбеници-револуционери.

- Можеби слични проблеми ќе имаме и за македонската преродба каде имаме многу револуционери. Тука е суштината на македонизамот и треба да бидеме тврди. Верувам дека за тие преродбеници кои се Македонци нема да прават проблем, како што е на пример Крсте Петков Мисирков, рече академикот.

За Гоце Делчев, за кој се уште нема спогодба помеѓу македонската и бугарската страна во мешовитиот комитет, вели дека не е важно како се декларирал, туку дека суштината е во тоа што се борел за македонската кауза.

– Не е важно дали е Бугарин или Македонец, треба да видиме зошто го славиме заеднички. Што тој придонел за Македонија? Тој не е роден во Бугарија, туку во Кукуш. И да сакал да се декларирал како Македонец, не можел тогаш не постоела македонска држава. Тоа не значи дека немал македонски чувства. Ние го сметаме Гоце како наш кој цел живот се борел за македонската кауза, вели Фити.

Професоротнагласи дека учебниците треба да претрпат реципрочна промена, односно колку едната, толку и другата страна, односно да не се дозволи бугарската страна да не направи корекции во својата образовна содржина.

– Јас предупредив дека ќе излезе дека ќе не поделат. Имаше реакции во претседателството каде имаше патриоти. На 3 декември ќе усвоиме посебен документ за македонскиот јазик, повелба за македонскиот јазик, каде изнесуваме факти и аргументи. Ќе кажеме дека постои македонскиот јазик и дека имаме огромен број на македонисти во странство и го афирмираат јазикот. Тој е жива материја и мора постојано да се усовршува, подвлече Фити.