СЗО ЗА ВИРУСОТ: Нема промена во однос на преносот, ниту во јачината
Објавено во: Свет, Корона Вирус 01 Јуни, 2020
Eкспертите од Светската здравствена организација (СЗО) велат дека нема докази дека коронавирусот ја сменил формата на пренесување или дека се променила тежината на болеста што ја предизвикува.
„Нема промена во однос на преносот, нема промена во однос на јачината“, изјави епидемиологот на СЗО, Марија ван Керхов.
Според неа, најважно е да се спроведуваат мерките за намалување и сузбивање на преносот.
Некои водечки италијански лекари во неделата изјавија дека вирусот значително ослабнал и дека тој веќе клинички не постои во земјата.
Ова тврдење поттикна полемики и негодувања кај експертите.