Празниците и африканската чума го поскапуваат свинското месо

Добивај вести на Viber

Свинската чума не го остава на мир соседството на земјава, поради што и кај нас се зголемува будноста за следење на оваа зараза. Кај Пирот, во Србија, вчера се отвори уште едно жариште, а пред една недела бoлеста беше потврдена и во уште четири реони на Бугарија. 

Според директорот на Агенцијата за храна и ветеринарство, Зоран Атанасов, и оценките на ФАО потврдиле дека е можно поскапување на храната, особено на свинското месо, поради болeста свинска чума.

Според земјоделците, свинското поскапува и заради свинската чума, но како фактори сигурно можат да се сметаат и празниците, за кои вообичаено повеќе се купува свинско место, што ја крева цената.

„Во соседстството има свинска чума, поради што се уништуваат фармите, и тоа е една од причините што посакпува свинското. Друга причина беа празниците, што ја зголеми побарувачката, а тоа ја зголемува и цената. А, една од причините е лакомоста на нашите трговци. Во земјава се уништија свињарските фарми“, вели за Фактор Вељо Тантаров, претседател на Сојузот на земјоделците на Македонија.

Инаку, Атанасов и денеска нагласи дека во земјава нема африканска свинска чyма. Сепак, веќе донесените мерки и зaбрани, остануваат во сила. Според него, опасноста не е помината, а ќе трае повеќе години. Фармерите и натаму треба да ги спроведуваат биосигурносните мерки, а граѓаните кои патуваат надвор не треба да носат во куферите храна од животинско потекло, посебно не производи од свинско месо.

„Внимателност мора да има. Зaбраните и мерките што ги имплементиравме остануваат. И натаму е зaбрането да се чуваат cвињи на отворено и да се хранат со помии“, нагласува Атанасов.

Она што е лошо кај болеста е што за неа нема ниту вакцина, ниту терапија, па затоа уништувањето на свињарските фарми каде што ќе се појави е единствената можна мерка. 

Земјава во втората половина од 2020 година ќе побара Светската организација за здравствена зaштита на животните да и додели статус на слободна од бoлеста, а веќе од 1 јануари 2021 година се очекува да почнеме со извоз на свежо свинско месо и живи свињи.

Н.Н.Ф.