Светскиот тенисер број 1 стана сумо борач
Објавено во: Стил 30 Септември, 2019
Светскиот тенсисер број 1, Србинот Новак Џоковиќ деновиве е во Јапонија, а денеска оттаму објави фотографии од ринг. Но, не е тенискиот терен туку ринг за сумо-борење. Тој дури ги пробал и своите боречки вештини, иако не ги задоволува критериумите за борба, барем не, килограмите.
„Спортот сумо борење е традиционален и многу почитуван во Јапонија. Имав чест и задоволство да бидам во „рингот“ со овие борци. Борецот во однос на мене имаше мала предност во килажата. Рече дека јаде најмалку 10.000 калории дневно за да бидат толку големи и силни. Тешко дека можам со нив да се натпреварувам, напиша Џоковиќ на фејсбук.