Сугарески: Досега изградивме и рехабилитиравме преку 500 километри патишта
Објавено во: Македонија 25 Август, 2019
Првиот човек на министерството за транспорт и врски преку прес конференција
истакна дека во моментот се гради насекаде низ земјава како никогаш досега.
Министерот, Горан Сугарески рече дека досега се изградени и рехабилитирани преку 500 километри патишта, инвестиции со вкупна вредност од околу 540 милиони евра.
„Го завршивме автопатот Миладиновци- Штип кој како голем товар го наследивме од ВМРО-ДПМНЕ заради бројните грешки и недостатоци во изградбата. Но бевме решени, автопатот мораше да се заврши со сите безбедносни аспекти за сообраќај. Впрочем граѓаните имаат право да знаат како им се трошат нивните пари. Ги решивме сите недоследности и пропусти што ги наследивме од ВМРО-ДПМНЕ и го пуштивме во сообраќај и автопатот од Демир Капија до Смоквица“, вели Сугарески.
Тој потенцираше дека СДСМ како одговорна политичка партија, ги исполнува ветувањата што ги дале пред граѓаните, и дека во моментот Владата на Републиак Северна Македонија инвестира преку 850 милиони евра во проекти во патна инфраструктура.