СТРОГИ ПРАВИЛА ВО ГРЦИЈА: Кој ќе ја напушти плажата на која е пријавен ќе плати 300 евра и ќе биде протеран
Објавено во: Балкан, Корона Вирус 20 Април, 2021
Oва лето во Грција ќе има строги правила, кои туристите ќе мора да ги почитуваат. Кој ќе ја напушти плажата на која е пријавен ќе плати казна од 300 евра и ќе биде протеран.
По копнен пат ќе може да пристигнат само преку Бугарија, а делумно се отворени и авионските летови. Ќе мора да имаат ПЦР тест, потврда за вакцина или ќе се прави брз тест. Но, и кога ќе пристигнете на вашата дестинација има неколку обврски. Морате во полиција или преку агенцијата да пријавите на која плажа ќе се капете, ако сте позитивни полицијата брзо да ве пронајде и смести во болница на сметка на државата.
„Отвораме на 14 мај и ова треба да биде јасно. На 14 мај отвораме“, изјави министерот за туризам на Грција Харис Теохарис од Парламентот, одговарајќи на пратеничко прашање на претседателката и пратеничката група на Движење на промена за туризмот, јави дописничката на МИА од Атина. Теохарис објасни дека владиниот план за туризмот веќе почна да се спроведува, а првиот чекор беше направен вчера со отворање за државјаните на ЕУ и пет други земји и истакна дека ќе продолжат со мали отворања сѐ до 14 мај, кога ќе може да се отвори туризмот и за Европската унија и „за други 15 трети земји, кои се најсуштински и важни“.