31 Мај, 2020
0.0251

СТРАВ ОД КОРОНАВИРУС: Од Скопје заминале во викендички во Винце

Објавено во: Македонија, Корона Вирус 28 Март, 2020

Триесетина жители на главниот град исплашени од ширењето на коронавирусот, заминале во своите куќи и викендички во кумановското село Винце, кое има педесетина жители.

Во период, додека не одат на работа, а децата не посетуваат настава, овие луѓе процениле дека ќе бидат побезбедни во ова мало село. Ги има од сите возрасти, а со себе ги земале и децата. Престојуваат во куќите кои им ги оставиле родителите, бабите, дедовците.

Во селото се вратија триесетина луѓе кои живеат во Скопје, и мал дел во Куманово, затоа што сметаат дека се безбедни, и додека трае епидемијата нема да се мешаат со други луѓе. Селото има вода, а продавница има на 3 километри оттука во соседното Којнаре, но тие сепак доаѓаат со залихи од храна барем за една недела. Има и постари луѓе, пензионери кои се дојдени со внуците, деца на школска возраст. Таман периодов ќе им дојде како одмор. Мештаните се информирани за коронавирусот, сите следат што се случува, гледаат телевизија, но не се плашат, затоа што во селото нема заразени“, вели претседателот на месната заедница во селото, Аце Гигевски.

Горан Наумовски, кој потекува од ова село раскажува дека иако селото е иселено, сепак последните години има тренд на градење на нови куќи и викендички. Додава дека во селото има група на луѓе која е вратена токму поради ширењето на опасниот вирус.

„Слушам и детски џагор, а има и постари луѓе кои не си одат дома, постојано се во селото. Местото е изолирано, и нема никаков надворешен контакт, така што првиот контакт да се измешате со луѓе е на бензинска пумпа на 4 километри оттука. Има група на луѓе од сите возраст кои се вратени во селото токму поради состојбата со вирусот. Има чист воздух, убава природа. Мојата сопруга е на работа, инаку и јас би отишол таму“, раскажува Наумовски.

Бројот на заразени од Ковид 19 во земјава расте. .

Македонија е во вонредна состојба, додека Дебар и Центар Жупа се во кризна состојба, а градскиот и меѓуградскиот превоз во Куманово е прекинат, со што градот е изолиран. Надлежните преземаат мерки за да се спречи ширењето на вирусот. 

Сања Атанасовска

фото Википедија

Можеби ќе ве интересира

Потпретседателот за СДСМ, жена му и ќерката позитивни на Ковид-19

Потпретседателот за СДСМ, жена му и ќерката позитивни на Ковид-19

Спасовски: Ако се пресмета, изборите треба да се одржат на 5 јули

Спасовски: Ако се пресмета, изборите треба да се одржат на 5 јули

Шефот на кризниот штаб најавува раст на бројот новозаболени денеска

Шефот на кризниот штаб најавува раст на бројот новозаболени денеска

Канада ни донира 250.000 долари

Канада ни донира 250.000 долари

Почина Горан Пандев, најголемиот навивач на „Академија Пандев“

Почина Горан Пандев, најголемиот навивач на „Академија Пандев“

ПОЛА - ПОЛА: Ако сте купиле велосипед годинава аплицирајте за субвенција

ПОЛА - ПОЛА: Ако сте купиле велосипед годинава аплицирајте за субвенција

Полицијата фатила 673 лица без маски

Полицијата фатила 673 лица без маски

Студентите на испити со маски и ракавици и на растојание

Студентите на испити со маски и ракавици и на растојание

ФОТО: Просторот околу Клинички центар со нов изглед

ФОТО: Просторот околу Клинички центар со нов изглед