30 Мај, 2020
0.0308

„Стопанска банка Скопје“ нуди 25 денари фиксна дивиденда за приоритетните акции

Објавено во: Економија 21 Октомври, 2019

Стотина ангажирани иматели на приоритетни акции во „Стопанска банка Скопје“ упорно, континуирано и трпеливо бараа од најголемиот акционер на таа банка да се сложи за промена на статусот и конверзија во обични акции. Ќе влезат во корпоративната историја на Македонија со тоа што успеаја да добијат понуда од големиот акционер која не содржи конверзија, но вечно право на фиксна дивиденда од 25 денари за акција. Дали ќе запрат во нивната борба?

НБГ, мнозинскиот акционер во „Стопанска банка Скопје“, нуди25 денари дивиденда на сопствениците на приоритетни акции. Со ова мнозинскиот акционер нуди предлог да го реши судирот што го има со бројни сопственици на приоритетни акции кои тврдат дека се обесправени од политиката на банката за нивниот третман. На последното акционерско собрание (одржано на 29 мај годинава) банката даде полугодишна дивиденда од 4 денари во бруто износ за секоја приоритетна акција. За истиот период сопствениците на обични акции добија бруто дивиденда од едно евро по акција. На оваа одлука бурно реагирале имателите на приоритетни акции (кои немаат право на глас н.з.) кои подолго време вршат континуиран притисок врз банката со различни легални форми кои содржат и комуникација со Комисијата за хартии од вредност и Народната банка.

Во најновиот предлог за измени на Статутот на Стопанска банка Скопје е опфатен и членот 18 од Статутот кој ги предефинира правата на имателите на приоритетни акции . Овој предлог ќе биде ставен на гласање на претстојното акционерско собрание на банката закажано за 19 ноември. Предлозите за претстојното акционерско собрание се објавени во петок (18.10) на веб страницата на Македонската берза за хартии од вредност. Подолу е цитат од предлог одлуката за измена на Статутот која се однесува на имателите на приоритетни акции:

-Сопствениците на приоритетни кумулативни акции имаат право на дивиденда во однапред определен износ од 25денари по акција (6,25 % од номиналната вредност на приоритетната акција). Доколку Банката не оствари добивка во износ кој е доволен да го покрие износот на дивидендата на вкупниот број на акции, остварениот дел од добивката, Банката ќе го распредели само на акционерите кои имаат приоритетни акции (со гарантирана фиксна дивиденда), а најмногу до висина на остварениот дел од добивката. Доколку Банката не оствари добивка доволна за исплата на утврдениот гарантиран износ на дивидендата, имателите на приоритетните акции ќе имаат право на кумулативна дивиденда, односно наплата на заостаната дивиденда во наредните години.”

Сопственици на приротитни акции се противат на начинот на кој досега Стопанска банка Скопје ја пресметува добивката на приоритетните акции и тоа врс основа на годишна каматна стапка на штеден влог на една година на кој дополнително се додава соодветен процент утврден со одлука за каматни стапка интербанкарска комисија за управување со актива и пасива.

Во акционерската структура на „Стопанска банка Скопје“ има над 17,46 милиони обични акции од кои над 94 отсто се во сопственост на грчката банка НБГ. Приоритетни акции се 227.444 немаат право на глас, а над 50 отсто од нивните сопственици се ангажирани и активно бараат измена на нивниот статус и конверзија на приоритетните во обични акции.


Р.Ф.

Можеби ќе ве интересира

Добивките на странските компании ги „набилдаа“ инвестициите во земјава

Добивките на странските компании ги „набилдаа“ инвестициите во земјава

РОКОТ ИСТЕКУВА УТРЕ: Проверете ги вашите даночни пријави

РОКОТ ИСТЕКУВА УТРЕ: Проверете ги вашите даночни пријави

ЌЕ ТРПАТ ЗАГУБИ: Koронавирусот ќе „удри“ по производителите на овошје и зеленчук

ЌЕ ТРПАТ ЗАГУБИ: Koронавирусот ќе „удри“ по производителите на овошје и зеленчук

УСВОЕН ДЕКРЕТ: Најсиромашните Шпанци ќе добиваат по 462 евра месечно

УСВОЕН ДЕКРЕТ: Најсиромашните Шпанци ќе добиваат по 462 евра месечно

Светска банка пресмета колку Македонци ќе осиромашат поради пандемијата

Светска банка пресмета колку Македонци ќе осиромашат поради пандемијата

Каков платен биланс имаше во првиот квартал од 2020 година?

Каков платен биланс имаше во првиот квартал од 2020 година?

МОЖЕ ДА СЕ ЈАВИ СОЦИЈАЛНО НЕЗАДОВОЛСТВО: БДП во Италија ќе падне за 13 отсто

МОЖЕ ДА СЕ ЈАВИ СОЦИЈАЛНО НЕЗАДОВОЛСТВО: БДП во Италија ќе падне за 13 отсто

НЕВРАБОТЕНОСТА ЗЕМА ЗАМАВ: Коронавирусот остави без работа над 40 милиони Американци

НЕВРАБОТЕНОСТА ЗЕМА ЗАМАВ: Коронавирусот остави без работа над 40 милиони Американци

ЌЕ НАСТРАДА СРЕДНАТА КЛАСА: Пандемијата ќе втурне во сиромаштија 400.000 луѓе од Западен Балкан

ЌЕ НАСТРАДА СРЕДНАТА КЛАСА: Пандемијата ќе втурне во сиромаштија 400.000 луѓе од Западен Балкан