22 Септември, 2021
0.0339

Стефановска: Пандемијата ги стави луѓето во грч кој телото долго ќе го памети

Објавено во: Македонија, Корона Вирус 11 Јуни, 2020

Пандемијата донесе многу негативни и малку позитивни работи во животот на луѓето, и новата нормалност ќе го смени начинот на живот.

Периодот кој помина беше исполнет со рестрикции во движењето и голема претпазливост, со цел луѓето да не се заразат од новиот коронавирус. Психолог Христина Стефановска вели дека пандемијата е поголема психолошка криза за целиот народ од било каква економска, стопанска, политичка криза.

„Кога станува збор за криза која веќе долго трае можните позитивни исходи од истата се помалку бројни од негативните. Народот е крајно исфрустриран, исплашен, конфузен во своето дејствување и живеење. Што значи дека после завршувањето на оваа пандемија ќе нѐ очекувааат повеќе негативни последици врз менталното здравје отколку позитивни исходи од истата. Прилагодувањето кон новонастанатата ситуација и условно речено адаптацијата кон новиот начин на живот сѐ уште трае и ќе трае бидејќи ќе постои група на луѓе која сепак нема да може да се адаптира на овој начин на живот. Ќе се бунтува и ќе биде девијантна во своето дејствување што ќе биде резултат на целокупното разочарување.  Дел од луѓето слепо ќе ги почитуваат мерките плашејки се за себе или за своите најблиски носејќи чувство на вина за да не бидат тие самите причина за нечие заразување. Постои и група на луѓе кои за целото ова време останаа будни, свесни за своите мисли, емоции и фрустрации, зачувувајќи го својот разум и можеби тоа е единствената група луѓе која ќе биде најмалку погодена од сето ова“, изјави Стефановска.

Таа додава дека новиот начин на живот им го ускрати детството на децата, им ускрати дел од социјалниот развој кој е фундаментален за нивната личност. Психологот објаснува дека пандемијата ги врати семејствата во домовите, но не на афтентичен и спонтан начин туку принуден и заложнички одземајќи им ја слободата на дејствување и движење.

Како да бараме тогаш семејно сплотување, разбирање и растење кога на секој од членовите на семејството му е одземена психо-социјалната, па и физичката слобода која е основна база за добро ментално здравје. Притоа човекот е социјално суштество. Има потреба од социјализација и таа ни е сместена во хиерархијата на мотиви на нашата личност. Овој начин на живот луѓето ги остави без физички контакт, без поздравување, без прегратка, бакнеж. Ги стави во грч. Грч кој телото долго ќе го памти. Следствено на ова очекувано е после пандемијата луѓето да бидат изолирани, отуѓени, ладни, егоистични, диви едни со други. Новиот начин на живот донесе дезинфекција, маски, ракавици и ќе направи хипохондрично општество. Општество што ќе се плаши од болести. Општество во кое родителите ќе го интроектираат сопствениот страв во нивните деца и ќе ги научат како да се плашат. Сето тоа ќе биде добра подлога за психосоматските заболувања кои ќе не очекуваат откако сево ова ќе спласне и луѓето ќе се опуштат од грчот во кој живееја подолго време“, објаснува психологот.

Стефановска додава дека после пандемијата,  луѓето ќе бидат поттикнати да работат повеќе на себе, на сопственото ментално здравје од причина што ќе мораат, бидејќи секако со овој стекнат емоционален импулс ќе направат и нов увид во себе самите и во својот личен раст и развој особено кога тоа ќе го прават со стручно лице.

„Ќе ја засакаат повеќе природата, особено локалната во нашата држава. Ќе научат да уживат во природата и да го црпат најдоброто од неа согледувајќи го терапевтскиот пристап што природата го има врз човекот а човекот најмалку беше во контакт со неа“, рече Стефановска.

Oд почетокот на кризата, во Македонија кај повеќе од 3.200 луѓе е дијагностициран коронавирусот, а истиот однесе над 150 животи.

Повеќе од 1.600 македонски граѓани сепак го победија вирусот.

Сања Атанасовска

Можеби ќе ве интересира

ЉУБЧО ГЕОРГИЕВСКИ: Порано во Струга, Кичево или Чаир ВМРО-ДПМНЕ и СДСМ се бореа за градоначалник, а помагаа албанските гласови, сега е обратно

ЉУБЧО ГЕОРГИЕВСКИ: Порано во Струга, Кичево или Чаир ВМРО-ДПМНЕ и СДСМ се бореа за градоначалник, а помагаа албанските гласови, сега е обратно

ЛЕТО, СЕ ГЛЕДАМЕ СЛЕДНАТА ГОДИНА: Вечерва пристигнува есента

ЛЕТО, СЕ ГЛЕДАМЕ СЛЕДНАТА ГОДИНА: Вечерва пристигнува есента

ОД ПОЧЕТОКОТ НА ПАНДЕМИЈАТА: Граѓанка дури три пати „фатила“ ковид-19

ОД ПОЧЕТОКОТ НА ПАНДЕМИЈАТА: Граѓанка дури три пати „фатила“ ковид-19

ВО ЕДНАТА РАКА ПРОТИВ КОВИД, ВО ДРУГАТА ПРОТИВ ГРИП: Нема никаква опасност да се примаат вакцините истовремено, уверува епидемиологот Стојанов

ВО ЕДНАТА РАКА ПРОТИВ КОВИД, ВО ДРУГАТА ПРОТИВ ГРИП: Нема никаква опасност да се примаат вакцините истовремено, уверува епидемиологот Стојанов

Џес Бејли по две и пол години откако си замина: Се сретна со Пендаровски во Њујорк

Џес Бејли по две и пол години откако си замина: Се сретна со Пендаровски во Њујорк

МИГРАНТИ ПОВТОРНО МИНУВААТ КАЈ ТАБАНОВЦЕ: Досега немало проблеми, но кај мештаните има загриженост

МИГРАНТИ ПОВТОРНО МИНУВААТ КАЈ ТАБАНОВЦЕ: Досега немало проблеми, но кај мештаните има загриженост

ФАКТОР НА ДЕНОТ: По пожарот во Тетово дисциплината е поголема, а во меѓувреме протече документ за набавка на модуларните болници

ФАКТОР НА ДЕНОТ: По пожарот во Тетово дисциплината е поголема, а во меѓувреме протече документ за набавка на модуларните болници

Румен Радев бара Македонија да ги почитува човековите права

Румен Радев бара Македонија да ги почитува човековите права

Меѓу починатите од коронавирусот и денес има млади луѓе

Меѓу починатите од коронавирусот и денес има млади луѓе