СРПСКИОТ ЕПИДЕМИОЛОГ ТИОДОРОВИЌ: Децата нема да бидат вакцинирани, кај нив болеста не е тешка
Објавено во: Балкан, Корона Вирус 05 Мај, 2020
Вакцината против Ковид-19 ќе биде
задолжителна за сите повозрасни граѓани, хроничните болни, здравствените
работници, но не и за децата, тие нема да подлежат на оваа имунизација, изјави
за српски Курир, еден од најпознатите епидемиолози во Србија и член на кризниот
штаб за борба против пандемијата на корона вирусот, професор д-р. Бранислав
Тиодоровиќ. .
-Кај децата не се развива тешка форма на заболувањето, а индикациите за вакцината против корона вирусот ќе бидат слични како и за онаа против сезонски грип. Ќе ја примаат повозрасните, болните од хронични заболувања, како и здравствените работници. Ковид-19 нема да заврши преку ноќ, но вакцината не ја очекуваме до крајот на годинава. Мора да биде испитана, проверена и ефикасна, а тоа ќе го прави Агенцијата за лекови и медицински средства, вели Тиодоровиќ.
Епидемиологот Тиодоровиќ појасни и дека Србија ќе има свој претставник на состанокот на СЗО по повод развој на вакцината, што е во суштина постојана пракса и за сите претходни епидемии.