Србија ќе ја испитува високата смртност од корона кај лекарите
Објавено во: Балкан, Корона Вирус 08 Јануари, 2021
Високата стапка на смртност на лекарите во Србија ќе се испита.
Епидемиологот проф. Д-р Зоран Радовановиќ изјави денеска дека Кризниот штаб и Министерството за здравство мора да дадат одговор на прашањето зошто 70 лекари починале од последиците на коронавирусот од почетокот на пандемијата во Србија, јави дописникот на МИА од Белград. Радовановиќ рече дека не е познат бројот на смртни случаи меѓу другите медицински работници, како и дека и тие податоците треба да бидат јавно објавени.
„Толку високата стапка на смртност во Србија мора да се испита“, изјави епидемиологот за агенцијата Бета.
Во Словенија ниту еден лекар не починал од коронавирус, додека во Хрватска е забележан само еден смртен случај. Радовановиќ оцени да има индикации дека лекарите не добиле соодветна заштитна опрема. Тој додаде дека лекарите, поради страв, не смеат јавно да ги потврдат овие сомневања, оценувајќи дека високата стапка на смртност на лекарите е многу загрижувачка и по тој повод чудно е однесувањето на одредени членови на Кризниот штаб. Епидемиологот изјави дека здружението „Обединети против Ковид “и Синдикатот на лекари и фармацевти во наредниот период ќе спроведат истрага за причините за високата смртност кај медицинскиот персонал во Србија.
Во последните 24 часа во Србија на коронавирус се тестирани 11.068 лица од кои 2.218 се позитивни, додека 34 лица починале од последиците на вирусот.