Спасовски: Сите наши проценки говорат дека Сашо Мијалков е во државава, нема да бидам жртва на еден криминалец

Добивај вести на Viber

„Сите анализи и проценки говорат дека Сашо Мијалков е во државата, одбносно дека не избегал, а ако знаевме каде е ќе беше во притвор. Работиме на негово пронаоѓање“, ова на преесот го изјави министерот за внатрешни Оливер Спасовски. 

Според него, МВР продолжува со сите расположиви мерки за пронаоѓање на Сашо Мијалков.

Ова е прва прес конференција по бегството на екс-шефот на тајната полиција, обвинет во случајот за нелегалното прислушување со кодно име Таргет-Тврдина.

Спасовски ги претстави поединостите и контактите помеѓу Министерството и обвинителката Русковска, како и активностите коишто ги презела полицијата и најави продолжување на истрагата.

„МВР ќе продолжи со сите расположливи средства да трага по бегалецот. Сите надлежни институции, согласно своите надлежности, имаме таква обврска да го лоцираме и да постапиме по судска наредба“, рече Спасовски.

Запрашан за неговата одговорност во бегството на Мијалков, Спасовски вели:

„Оставката нема да ги реши сама по себе проблемите па чија сака нека е. На тој  начин само ќе овозможиме дека ќе дојде до триумф на криминалците наспроти институциите на системот“, рече Спасовски.

Рече дека нема да биде жртва на еден криминалец во земјава.

Спасовски на некој начин како да го посочи прстот кон Обвинителството, за ненавремена реакција.

Еден од обвинителите во петокот информирал член во Владата дека се подготвува бегство на Мијалков.

Н.Н.Ф.