Спасовски им порача на донаторите: Помош за здравствениот систем

Добивај вести на Viber

Спасовски им порача на донаторите: Потребна е помош за здравствениот систем

Сите донации да се пренасочат за здравствениот систем, им порача на донаторите премиерот Спасовски во објава на Фејсбук

-Ова е и повик до сите наши граѓани: Како никогаш досега е потребна помошта од нас за сите здравствени работници. Да им помогнеме за да бидат во состојба да ни помогнат нам со почитување на мерките и препораките што доаѓаат токму од нив, наведува Спасовски.

Според него, најважно е здравствените работници да ја носат заштитната опрема, за да се обезбеди максимална заштита. За ова денеска раговарале на состанокот на Главниот координативен кризен штаб, наведувајќи дека мора да се обезбедат услови за заштита на здравствените работници.

-Нашите здравствени работници деноноќно работат на заштита на нашите граѓани. Тие се на првата линија во борбата со коронавирусот. Нивната заштита е приоритет. Министерството за здравство од почетокот на кризата воведе протоколи за заштита за здравствените работници, тоа се протоколите за заштита во 3 степени со детални објаснувања до сите јавни здравствени установи во земјата, и истите знаат дека мора да постапуваат по нив, пишува Спасовски во објавата на Фејсбук.