СОПСТВЕНИКОТ НА „ПУЦКО ПЕТРОЛ“, ЈАХОСКИ - го доби второто, добитно место на ДУИ во Петката

Добивај вести на Viber

Сопственикот на „Пуцко Петрол“, компанија која добиваше бројни тендери од Владата, како и поранешен долгогодишен градоначалник на општина Пласница, ќе биде кандидат за пратеник на ДУИ во Петтата изборна единица, каде се нашол на второто, добитно место.

Ова на својот фејсбук профил го објавила пред два дена извесна Афија Равманоска, за која на нејзиниот профил стои дека е вработена во Министерството за финансии.

„Историска можност, историски моменти, историска ситуација.
Невозможното стана возможно - Општина Пласница се враќат на врвот на политичките настани.
Демократската унија за интеграција ДУИ пред малку донесе одлука за кандидат за пратеник од нашата општина Пласница.
На второ место сигурна добитна комбинација во Петтата изборна единица е предложен кандидат за пратеник ИСМАИЛ ЈАХОСКИ .
Со ваква одлука Исмаил Јахоски е веке пратеник во Собрание на Република Северна Македонија.
Честитки од се срце големи успеси и верувам дека како пратеник ке придонесе многу за Општина Пласница и за целиот регион во Петтата изборна единица.
Апелирам сите заедно едногласно 100 отсто да му дадеме цврст легитимитет на нашиот пратеник Исмаил Јахоски за да може нашите проблеми да ги решава во Собранието на РСМ и да придонесе за развој на Општина Пласница преку издејствување на проекти, програми и стратешки приоритети на локалната самоуправа. Со среќа и успешна пратеничка кариера Исмаил Јахоски“, напишала Равманоска.