Со законски измени до повеќе пари во општинските каси
Објавено во: Економија 21 Септември, 2021
Се подобрува законот за финансирање на општините за нивна поголема самостојност, информираше Владата по 107-та седница.
Владата на денешната седница го утврди текстот на Предлог-законот за изменување и дополнување на Законот за финансирање на единиците на локалната самоуправа.
Предложените измени ќе го подобрат фискалниот капацитет и ќе ги зголемат приходите на општините преку постепено зголемување на стапката на дотацијата од ДДВ и персоналниот данок на доход, со цел поголема финансиска самостојност и стабилност на единиците на локалната самоуправа.