12 Ноември, 2019
0.0185

Со прогресивниот данок се собираа пари за социјалците, а сега Царовска и Заев треба да бараат пари од друго место

Објавено во: Финансии 05 Ноември, 2019

Министерството за труд и социјална политика вели дека ќе продолжи финансирањето, односно спроведувањето на минималниот гарантиран приход со кој ќе се извлекуваат луѓето од сиромаштија и ќе се активираат на пазарот на трудот и покрај новонастанатата ситуација со која се замрзнува прогресивниот данок на доход чии дополнитени средства беа наменети за повисоките социјалните трансфери кои веќе се во практична реализација. Останува нејасно како долгорочно ќе се финансира овој социјален проект на Владата во континуитет кога беше директно врзан со прогресивниот данок, а наедно промовиран од министерката за труд и социјална политика Мила Царовска, премиерот Зоран Заев и поранешниот министер за финансии Драган Тевдовски.

Замрзнување на прогресивниот данок во наредните 36 месеци и враќање на рамниот данок следува на половина година пред предвремените параментарни избори. Владата го образложи како мерка која не ги дала посакуваните резултати иако дополнителните средства од оваа фискална мерка беа насочувани за социјалните трансфери. Даночната реформа иако беше едно од главните предизборни ветувања на социјалдемократите, беше воведено со една година задоцнување, а не издржа ниту 12 месеци. Сега преку измени на Закон ќе се враќа старото решение на рамен данок односно целиот доходот ќе се даночи со 10 отсто, а не како досега до 1.500 евра со оваа стапка, а над оваа сума со 18 отсто.

„Ставањето во мирување на примената на прогресивното оданочување не ја загрозува исплатата на правата предвидени со социјалната реформа. Овие средства се претходно прокетирани во Буџетот и во ниту еден случај нема да биде донесена во прашање испалтата на надоместоците на корисниците на ГМП и останатите додатоци предвидени со реформата.Министерството за труд и социјална политика продолжува да работи на реформи кои значат социјална правда и благосостојба за сите граѓани“, гласи одговорот од Министерството за труд и социјална политика кој го добивме.

Поранешниот министер за финансии Драган Тевдовски и неговиот тим проценуваа дека со оваа даночна реформа ќе се соберат околу 25 милиони евра во буџетот со кои „ќе се финансираат мерки за намалување на сиромаштијата, односно за спроведување на минималниот гарантиран приход со кој ќе се извлекуваат луѓето од сиромаштија и ќе се активираат на пазарот на трудот“.

- СДСМ, всушност, презема мерки што ги преземаат само крајно десничарски влади. Само да потсетам, рамен данок со пропорционална стапка и за најбогатите и за најсиромашните, и во исто време многу ниска стапка, не овозможува соодветно финансирање, вели Никола Поповски, поранешниот социјалдемократски министер за финансии во чие време функционираше прогресивниот данок на доход.

Парите значат три пати поголема социјална помош, како гарантиран минимален приход, за најголем дел од семејствата во социјален ризик, преквалификација и доквалификација на работоспособните приматели со цел да можат да се вратат на пазарот на труд и да излезат од сиромаштија, како и олеснување на пристапот до детски додаток. Четириричлено семејство, со едно работонеспособно лице ќе добива 11.700 денари, а семејство со двајца возрасни и две деца 10.600 денари.  Проектирано беше со олеснувањето на пристапот до детскиот додаток, ова право ќе можат да го остварат 73.500 деца, а додатокот за образование ќе им биде достапен на 64.316.

Александар Кузмановски

Можеби ќе ве интересира

Буџетот идната година ќе тежи 3,9 милијарди евра

Буџетот идната година ќе тежи 3,9 милијарди евра

НОВ СИЛЕН ИГРАЧ ВО НАЈАВА - Големи прегрупирања на банкарската сцена

НОВ СИЛЕН ИГРАЧ ВО НАЈАВА - Големи прегрупирања на банкарската сцена

ФИНАНСИИ СЕ ПРАВДА - од прогресивниот данок се собраа за 51,2 отсто пониски приходи од потенцијалот

ФИНАНСИИ СЕ ПРАВДА - од прогресивниот данок се собраа за 51,2 отсто пониски приходи од потенцијалот

МОЌЕН БАНКАРСКИ БРЕНД НА ПАЗАРОТ - Шпаркасе ја купи Охридска банка

МОЌЕН БАНКАРСКИ БРЕНД НА ПАЗАРОТ - Шпаркасе ја купи Охридска банка

Каевски: Парите за спортските објекти се намалени поради Охридскиот базен

Каевски: Парите за спортските објекти се намалени поради Охридскиот базен

Можно е изборите да ја забават економијата во следната година, смета гувернерката Бежовска

Можно е изборите да ја забават економијата во следната година, смета гувернерката Бежовска

КОЛКУ И КОГА - во декември ќе се офајдат „скенирачите“ на фискални сметки

КОЛКУ И КОГА - во декември ќе се офајдат „скенирачите“ на фискални сметки

Буџетот за идната година денеска на владина седница

Буџетот за идната година денеска на владина седница

Милошоски прашува - зошто доцни предлог Буџетот за идната година

Милошоски прашува - зошто доцни предлог Буџетот за идната година