СЛОВЕНЕЧКИТЕ ЕПИДЕМИЛОЗИ СО АЛАРМАНТНА ПРОГНОЗА: Есенскиот бран може да биде полош од минатата година заради делта сојот
Објавено во: Балкан 02 Август, 2021
Владата на Словенија
ја забрзува кампањата за вакцинација против корона вирус, така што центрите за
вакцинација ќе бидат отворени за секого од 8 до 22 часот, а епидемиолозите
предупредуваат дека есенскиот бран може да биде полош од минатата година поради
делтата варијанта, доколку вакцинацијата не се зголеми
-Ако сакаме да го избегнеме четвртиот бран на пандемија и преполни болници, се препорачува барем сите постари од 40 години да бидат вакцинирани што е можно поскоро за да се заштитат од потешкиот тек на болеста. Претпочитана вакцинација на возрасната популација е најмалку 90 проценти, објави научниот Институт „Јожеф Штефан“, кој прави прогнози за епидемијата и промовира вакцинација.
Степенот на пандемијата се зголемува
Во моментов, 46 проценти од луѓето над 18 години и 60 проценти од оние над 50 години се целосно вакцинирани во Словенија. Според Министерството за здравство, моменталниот репродуктивен број на ширење на вирусот во Словенија е 1,25, а покрај локалните инфекции, дневно има и по 15 увезени.
-Размерот на епидемијата се зголемува иако сме среде сезона на летни одмори, а минатата година епидемијата беше во опаѓање“, велат епидемиолозите.
Тие предупредуваат дека во последно време од секвенционираните примероци, скоро 100 проценти се варијанти на делта и во случај вакцинацијата да не се зголеми брзо, есенскиот бран во однос на бројот на дневни инфекции и хоспитализации може да биде полош од минатата година.
Со цел да се зголеми достапноста за вакцинација, во иднина сите центри за вакцинација ќе бидат отворени од 8 до 22 часот, има доволно вакцини, а сите над 12 годишна возраст можат да се вакцинираат, вклучително и оние кои претходно се заразиле и заболеле од корона вирсуот.
Во Словенија, потврдени се 31 инфекција со 647 ПЦР -тестови во последните 24 часа, во моментов има 1103 активни случаи на инфекција, а просекот на идентификувани дневни инфекции на неделно ниво е 87, објави владата.