СКОРО ДВЕСТЕ МУТАЦИИ: Научници ширум светот го истражуваат коронавирусот
Објавено во: Свет, Корона Вирус 07 Мај, 2020
Скоро двесте мутации на коронавирусот открија научниците.
Студијата на Универзитетскиот колеџ во Лондон (UCL) откри 198 мутации на вируси. Еден од неговите автори, професор Франсоа Балокс, вели дека мутациите сами по себе не се лоша работа и дека ништо не покажува дека вирусот САРС-КоВ-2 мутира побрзо или побавно од очекуваното.
Прелиминарните истражувања во САД покажуваат дека една мутација - D164G - е доминантна и би можела да доведе до забрзување на болеста кај луѓето, пишува ББС.
Научниците во Њу Мексико откриле дека оваа мутација предизвикува побрзо растење на шилецот на вирусот, но сè уште не се јасни последиците и дали ги има врз луѓето.
Научниците од Националната лабораторија „Лос Аламос“ во Ново Мексико ги анализирале промените во „боцката“ на вирусот што му дава специфична форма користејќи ги податоците од базата на податоци ГИСАИД. Тие заклучиле дека има нешто посебно во врска со оваа мутација што предизвикува рогчињата да растат побрзо, но ефектите од тој раст не биле јасни.
Истражувачкиот тим анализирал британски податоци за пациенти заразени од коронавирус во Шефилд. Иако им се чинеше дека луѓето со одредена мутација на вирусот имаат повисоки концентрации на вируси во примерокот, тие не пронашле докази дека овие луѓе се разболеле или останале подолго во болницата поради тоа.