Скок на цената на нафтата, но што е со рубљата?
Објавено во: Економија 19 Април, 2018
Расте цената на нафата.
Цената на фјучерсите на суровата нафта „брент“ за јунската испорака пораснаа за 1,0 отсто на 74,23 долари за барел во тргувањето на лондонската берза ICE Futures Europe.
Последен пат кога нафтата „брент“ го достигна ова ниво од 74 долари за барел беше на 27 ноември, 2014 година.
Цената на американската „лесна“ нафта WTI за мајската испорака денеска порасна за дури 80 центи на 69,27 долари за барел на Њујоршката берза, а во Лондон се тргуваше по цена од 68,81 долари, според „Блумберг“.
Причината за скокот на цените е изненадувачкиот пад на залихите во САД, а трговците со нафта сега ќе го насочат вниманието на утрешниот состанок на членките и нечленките на ОПЕК и Саудиска Арабија.
Курсот на рубљата останува низок во однос на глобалните валути. Курсот на оваа валута денеска на Московската берза изнесуваше 60,99 рубљи за 1 долар, што е за 0,23% повеќе во споредба со курсот на затворање вчера.
Курсот на рубљата во однос на еврото беше 75,52 рубљи за 1 евро, што е за 0,32% повеќе во споредба со еден ден претходно.