Сити мол: Нема повредени, сите се безбедни, евауацијата траеше околу пет минути
Објавено во: Македонија 29 Јануари, 2020
Екипите на Министерството за внатрешни работи се уште се во скопскиот трговски центар Сити мол во Карпош. Се прегледува секоја просторија, секој ќош од трговскиот, дуќаните, помошните простории, подрумите. Претпоставка е дека станува збор за лажна дојава, но од МВР не потврдуваат се додека не заврши целосната проверка.
Моментно никој не се пушта во Сити мол, трговскиот е целосно евакуиран. Затворен е и пристапот до трговскиот од едната страна на Партизански одреди.
Од Сити мол за Фактор велат дека трговскиот бил евакуиран за само пет минути.
„Скопје сити мол редовно прави евакуациони вежби кои секако се потребни и од безбедносни и од практични причини. По дојавата, трговскиот центар беше евакуиран за околу пет минути, без паника и без повредени. Тоа е добар показател за организацијата и дека раководниот тим и обезбедувањето се координирани на највисоко ниво, велат за Фактор од Скопје Сити мол.