СИНДИКАТОТ ЈА ПРЕСМЕТА ПОТРОШУВАЧКАТА КОШНИЦА ЗА ЈУЛИ - драматично зголемување од над 7.000 денари

Добивај вести на Viber

Новата синдикална потрошувачка кошница за јули, достигна дури 47.043 денари, дознава Фактор.

Според нашите информации, новата синдикална кошница веќе е пресеметана, и таа би требало да биде објавена во текот на денешниот ден.

Ако се има предвид дека во јуни годинава синдикалната кошничка изнесуваше 39.710 денари, тоа значи дека само за еден месец таа е зголемена за дури 7.332 денари.

Ова е голем пораст на синдикалната кошница за еден месец, кој говри дека едно просечно четиричлено домаќинство веќе во јули требало да издвои за дури 7.300 денари повеќе за основните ивотни потреби доколку сакало да се прехрани.

За исхрана и пијлоци во јули едно семејство треба да потроши 17.843 денари, што е дури 44 отсто од сите потреби.

За домување трошоците се 12.374 денари или 30,5 проценти, а за хигиена тие изнесуваат 2.760 денари. Трошоците за превоз се 3,500, за облека и обувки 2.200, за култура 1.068 денари, а за одржување на задравје 785.  

На сите овие трошоци сега се додаваат и околу 6.500 денари за инфлацијата, која во јули изнесуваше драматични 16 отсто, како што објави Државниот Завод за статистика.

Според нашите информации, во пресметките на ССМ сега неминовен критериум е и инфлацијата од 16 отсто, односно неопходно е сега да се додаде и таа сума, со оглед што порано инфлацијата била незначителна на годишно ниво, но сега е висока и реално ги обезвреднува парите, па и таа треба да се пресмета во синдикалната кошница.

Н.Н.Ф.