СИН МИ ПОЧИНА ВО ИРАК, Бајден продолжува со гафовите (Видео)
Објавено во: Свет 13 Октомври, 2022
Американскиот претседател Џозеф Бајден направи нов гаф кога во говор во американската сојузна држава Колорадо рече дека неговиот син, кој почина од тумор на мозокот во мај 2015 година, „го загубил животот во Ирак“.
Видеото од неговиот говор во воениот камп Хејл го објави извесен Вендел Хусебо, кого на Твитер, меѓу другите, го следи и Ричард Гренел, поранешниот американски амбасадор во Германија, а потоа поранешниот американски претседател Доналд Трамп го назначи за специјален пратеник за Косово и Метохија.
Joe Biden falsely claims his late son Beau "lost his life in Iraq."
Beau died of brain cancer. pic.twitter.com/gEfXZOdiys
- Само замисли. Ова го кажувам искрено. Ова го кажувам како татко на човек кој ја доби Бронзената ѕвезда, Медалот за истакната служба и кој го загуби животот во Ирак - рече американскиот претседател, прогласувајќи го армискиот камп Хејл за национален споменик.
Најстариот син на американскиот претседател, Бо Бајден, служеше во Ирак во 2008 и 2009 година. Шест години подоцна, тој почина на 46-годишна возраст од рак на мозокот во САД.
Џо Бајден претходно сугерираше дека ракот на неговиот син можеби е предизвикан од изложеност на токсични материи ослободени за време на согорувањето на отпадот во американските воени капацитети, вклучително и оние во Ирак.
Фото: Принтскрин/Твитер