Силјановска Давкова: Мицкоски не мислеше буквално Борисов да дојде да се поклони
Објавено во: Македонија 29 Ноември, 2020
Гордана Силјановска Давкова вечерва во централниот дневник на телевизија Сител рече дека Христијан Мицкоски, лидерот на ВМРО-ДПМНЕ, на вчерашниот протест пред Владата не побарал буквално од политичарите од бугарскиот државен врв да го следат примерот на поранешниот германски канцелар Вили Брант и да се извинат за злосторствата од Втората светска војна.
- Не мислам дека тоа беше директно кажано дека веднаш треба да дојде господинот Борисов да се поклони, тоа е асоцијација бидејќи честопати се споменуваат односите на Германија со Франција, па ако сакате и со Полска, многу слични се овие на Полска со оние на тогашната бугарска власт кон окупираната територија. Веројатно тоа што го направи Вили Бранд, навистина беше голем потег бидјеќи извинувањето отвори пат за помирување. Не верувам дека сега е моментот за тоа и дека господинот Борисов ќе го направи тоа, но верувам во нешто друго. Верувам во европските вредности, истакна професорката и пратеник на ВМРО-ДПМНЕ.
Силјановска Давкова смета дека ЕУ не може да стимулира или толерира консензус за нешто што е спротивно на нејзините најважни документи и определби. Како што вели таа, тогаш самата би го негирала она што го утврдила реков во основните акти на ЕУ и додаде дека поради тоа членките на ЕУ не се вплетуваат во овој спор со Македонија и Бугарија.
„Ако мислите дека пронајдовте Квислинг и квислингшка влада, се лажете. Од нашата колективна меморија и срца нема да ја избрише колективната историја. Христијан Мицкоски не предводи антибугарска хистерија, При првата посета во Скопје, кај споменикот на паднатите борци на НОБ да го следите примерот на Вили Брант, да клекнете и да се извините“, порача на вчерашниот протест лидерот на најголемата опозициска партија.
Инаку Брант како канцелар се поклонил на жртвите на фашизмот во Варшава во 1970 година