Шведска нема да го гони Асанж за силување
Објавено во: Свет 19 Ноември, 2019
Основачот на Викиликс, Џулијан Асанж, нема да биде гонет од Шведска поради наводно силување и барањето за екстрадиција во оваа скандинавска земја повеќе нема да важи.
Вака одлучи шведското обвинителство, кое ја прекина истрагата која беше отворена откако најпознатиот светски „свиркач“ започна да ги објавува документите и видеата извлечени од Пентагон.
Асанж се уште ги негира сите обвинувања откако пред седум години му беше одобрено прибежиште во амбасадата на Еквадор во Лондон.
Годинава беше протеран од амбасадата а веднаш потоа и осуден на 50 недели затвор затоа што ти прекршил условите пропишани со кауцијата во 2012.
Во моментов се наоѓа во притвор во Лондон, а се соочува и со обвиненија во САД за објавување тајни документи.