Швајцарија оваа зима може да остане без струја
Објавено во: Економија 20 Октомври, 2021
Швајцарија стравува дека ќе биде погодена од енергетска криза. Властите испратија писмо до адресите на 30.000 компании со информации дека, во случај на прекин на електричната енергија, може да дојде до ограничувања во снабдувањето. Компаниите кои трошат повеќе од 100.000 киловат-часови годишно, ќе бидат замолени да ја намалат потрошувачката за 10 до 30 проценти во случај на недостиг.
Државата се плаши од прекин на електричната енергија, а Швајцарската комисија за електрична енергија (ЕЛКОМ) претходно предупреди на опасност од „затемнување“.
Од потрошувачите кои не се приоритет, властите прво ќе побараат да штедат, со цел да обезбедат електрична енергија за индустријата.
Се очекува дека Швајцарија оваа зима би можела да остане без струја два дена.
Многу земји во светот се подготвуваат за ова сценарио. Во Индија веќе се чувствува енергетската криза.