ШТО ЌЕ ПОКАЖАТ - денеска се на ред снимките на Камчев
Објавено во: Македонија 13 Февруари, 2020
Денеска, со презентирање на снимките од сведокот Орце Камчев, треба да продолжи судењето на случајот Рекет, откако на минатото рочиште беа прикажани докази од вештачењето на телефонот на обвинетиот Бојан Јовановски.
На минатото рочиште Јовановски се жалеше оти не може да го следи судењето поради здравствени проблеми, но процесот продолжи откако лекарска екипа утврди дека нема пречки кои го оневозможуваат да биде во судницата.
Инаку, на последното рочиште за овој предмет беа презентирани пораки на обвинетиот Бојан Јовановски со други лица, меѓу кои и со поранешниот премиер Зоран Заев. Се презентира и фотофрафии и куси видеа, меѓу кои и такви на кои се гледа како Јанева седи во дневната суба, а пред неа се снопчиња со банкноти од по 500 евра. Или како што тврди Обвинителството, нивната вкупна сума е 50 000 евра.
На денешното рочиште се очекува во судница да се пуштат снимки кои Орце Камчев и Зоран Милески Кичеец ги предале во обвинителството. Односно, Обвинителството би требало да заврши со презентација на своите докази, а веќе од наредната недела во судница да се повикуваат сведоци предложени од одбраната.