22 Октомври, 2019
0.0188

Што им подари Свето „Пивара“ на своите три деца?

Објавено во: Економија 10 Јули, 2019

Светозар Јаневски на своите три деца од двата брака: Јане Јаневски, (актулен член на Управниот одбор на „Аутомакедонија“), Драгана Јаневска и Кирило Јаневски им подари по 5.596 акции со право на глас во „Аутомакедонија“. Со тоа Светозар Јаневски повеќе не е акционер во таа компанија. Книговодствено подарокот за секој од тројцата наследници вреди по 360.000 евра

Светозар Јаневски, бизнис легенда на македонската дваесети пет годишна корпоративна историја, одлучи да ги подари своите акции со право на глас во скопската компанија „Аутомакедонија“ на свои тројца наследници. Јаневски, долгогодишен успешен директор на „Пивара Скопје“, актуелен косопственик во друштвото кое го поседува најголемиот вински производител „Тиквеш“, одлучи своите 20 отсто од акциите во „Аутомакедонија“ да ги подари на Драгана Јаневска, Јане Јаневски и Кирило Јаневски.

Сите тројца наследници ќе добијат пропорцинален дел од акциите односно секој од нив ќе стане сопственик на по 6,75 отсто од вкупниот број акции во „Аутомакедонија“. Освен оваа во акционерската структура на „Аутомакедонија“ има уште една значајна промена. Имено има нов најголем поединечен акционер и тоа е Иванка Мојсова која по основ на оставинско решение е наследник на 22,5 отсто акции со право на глас кои ги поседуваше, сега починатиот Мојсо Мојсовски.

Што е „Аутомакедонија“?

„Аутомакедонија“ во претходниот економски систем беше синоним за увоз и продажба на автомобили и резервни делови ширум земјава. Во транзицијата и приватизацијата оваа компанија успешно се реорганизирала и успеала да ги добие застаништвата за автомобили од гамата на  „Опел“ и „Исузу“ (пикап камионети и автобуси), автомобилски гуми, моторни масла, компоненти за камиони, автобуси и приколку, системи за ТНГ. Воедно оваа има овластени сервиси за одржување возила, а има и фирма ќерка АМ ЦЕРТ специјализирана за технички прегледи и за хомологациски испитувања, инспекции и калибирање тахографи. Освен ова компанијата има сообраќаен испитен центар со седиште во Битола за пелагонискиот регион, а има и сопствено осигурително – брокерско друштво. „Аутомакедонија“ опстојува 70 години на македонскиот автомобилски пазар. 
Компанијата лани приход од речиси 9,5 милиони евра и добивка по оданочување од околу 90.000 евра. Главнината на „Аутомакедонија“ вреди над 5 милиони евра , книговодствено акцијата вреди околу 4.000 денари, а последната пазарна цена изнесува 2.000 денари. Компанијата последен пат поделила дивиденда во 2016 година. 

Р.Ф.

Можеби ќе ве интересира

Ова се цените по кои ќе се точат бензини и дизел неделава

Ова се цените по кои ќе се точат бензини и дизел неделава

ФИРМИТЕ ПРЕПЛАШЕНИ ОД ИЗБОРИТЕ - никој нема да работи цела година

ФИРМИТЕ ПРЕПЛАШЕНИ ОД ИЗБОРИТЕ - никој нема да работи цела година

„Прилепска пиварница“ има 76.000 евра од продажба просечно дневно

„Прилепска пиварница“ има 76.000 евра од продажба просечно дневно

Ѓорче Петров ќе биде осветлен за милион денари месечно

Ѓорче Петров ќе биде осветлен за милион денари месечно

Општина Куманово ќе се подновува со возила вредни 94 илјади евра

Општина Куманово ќе се подновува со возила вредни 94 илјади евра

„Стопанска банка Скопје“ нуди 25 денари фиксна дивиденда за приоритетните акции

„Стопанска банка Скопје“ нуди 25 денари фиксна дивиденда за приоритетните акции

Се бара укинување на законот кој ќе им ги зголеми давачките на пазарџиите од 2020 година

Се бара укинување на законот кој ќе им ги зголеми давачките на пазарџиите од 2020 година

ГИ НАДМИНАА АМЕРИКАНЦИТЕ: Oваа земја има најмногу милионери

ГИ НАДМИНАА АМЕРИКАНЦИТЕ: Oваа земја има најмногу милионери

Илија Димовски се уште само ја подотвора вратата за државен ревизор

Илија Димовски се уште само ја подотвора вратата за државен ревизор