Шпанија повлече 9000 брзи тестови за Ковид-19 произведени во Кина како „несигурни“

Добивај вести на Viber

Шпанија повлекува 9000 брзи тестови за „ковид-19“ направени во Кина, откако тестовите откриле дека нивните резултати биле „неверодостојни“.

Тестовите, испорачани од кинеската компанија „Shenzhen Bioeasy Biotechnology“, биле набавени „пред неколку недели“ преку шпански снабдувач што ги увезувал од Кина, се вели во соопштението на владата испратено до Си-Ен-Ен. Кога шпанските власти ја тестирале опремата пред да ја стават во употреба, тие не го достигнале потребното ниво на квалитет.

„Очигледно, постои обврска да се вратат примероците и снабдувачот се обврзува да ги замени“, рече високиот функционер на шпанското Министерство за здравство, Фернандо Симон, на дневниот брифинг за коронавирусот на владата. „Покрај тоа, Министерството за здравство бара други даватели на услуги за да обезбеди брзи тестови“, рече тој.

Иако пробата откри дека тестовите не ги исполнуваат стандардите на Европската унија, опремата е заверена од ЕУ, соопшти владата. Европската комисија за Си-Ен-Ен изјави дека „ја испитува ситуацијата“.

Шпанската влада додаде дека погрешните тестови не се дел од набавката на медицинска опрема од кинеската влада.