27 Септември, 2020
0.0246

ШКОЛИТЕ СО МНОГУ ДЕЦА ВО КОМБИНИРАНА НАСТАВА, ОСТАНАТИТЕ РЕДОВНО ВО ШКОЛО: Конечно ќе се утврди како ќе почне учебната година

Објавено во: Македонија 04 Август, 2020

Претставнивници од Министерството за образование и наука, денеска и утре на состанок со Комисијата за заразни болести ќе разговараат за почетокот на новата учебна година, по што конечно ќе се знае моделот по кој ќе се организира наставата од 1.септември. И од МОН и од Комисијата за заразни болести уверуваат дека овие денови ќе ги утврдат сите детали, а потоа предлогот ќе го достават до Владата.

Веќе е речиси извесно дека училиштата во земјава, каде бројот на деца е многу мал ќе имаат редовна настава со секојдневно одење во училиште, единстевно што треба да договорат е како ќе работат оние училишта каде има огромен број деца во паралелките.

-Непречено би се одвивала наставата во многу училишта низ Македонија каде во паралелките има по десеттина деца, некаде и помалку. Тие ученици би оделе секој ден во училиште, нема причина да биде поинаку. Единствено што ќе треба е да се придржуваат до општите здравствени протоколи, што значи дека и децата и наставниот кадар, и воопшто останатите вработени во училиштето треба да носат маски, да одржуваат растојание и да се внимава на хигиената, односно дезинфекција во училниците, тоалетите, кујните, велат од Комисијата за заразни болести.

Поголем проблем е организирање на наставата во училиштата со многу деца, потенцираат надлежните, посочувајќи дека некои паралелки бројат и над 30 ученици. Сепак, како што истакнуваат, не би имало никаков проблем, односно заразата со корона вирусот би била целосно под контрола ако наставата се организира сменски.

-Училиштата би биле средина под контрола и не би постоел ризик од ширење на заразата ако сите се придржуваат до мерките кои ги препорачуваме сите овие месеци. Наредниве денови ќе утврдиме кои училишта ќе мора да ја организираат наставата во смени, а за останатото веќе рековме дека ќе мора самите училишта да имаат луѓе кои ќе внимаваат на носењето маски, на дезинфекцијата, на евентуално мерење температура...Сегашните сцени од паркови, плажи, журки каде што тинејџерите се собираат неконтролирано, се далеку поголем ризик за ширење на вирусот, отколку одењето во училиште. Значи школо ќе има, тоа е дефинитивно, останува да се утврди моделот во оние училишта каде бројот на деца е голем, велат за Фактор од Комисијата за заразни болести.

Конечната верзија што најдоцна до утре треба да биде договорена, ќе треба да ја усвои и Владата, а потоа ќе биде испратена до сите училишта кои ќе треба да се организираат и да се приспособат кон условите за безбедна настава. Надлежните велат дека финалниот модел по кој ќе стартува и ќе се одвива новата учебна година ќе биде презентиран на јавноста на 10. август.

Анита Буховски

Можеби ќе ве интересира

Денеска ќе има и сонце, од утре пак повеќе облаци и дожд

Денеска ќе има и сонце, од утре пак повеќе облаци и дожд

Први рестрикиции би биле забрана на јавни собири: Филипче исклучува карантин во моментов

Први рестрикиции би биле забрана на јавни собири: Филипче исклучува карантин во моментов

Животот на Борче, живот ли е? Емотивна сторија за човекот кој има многу љубов

Животот на Борче, живот ли е? Емотивна сторија за човекот кој има многу љубов

Ново видео фрла сенка врз инцидентот во Битола: Полицаецот не нападнал прв?

Ново видео фрла сенка врз инцидентот во Битола: Полицаецот не нападнал прв?

Филипче жали за смртта на медицинската сестра: Изрази сочувство

Филипче жали за смртта на медицинската сестра: Изрази сочувство

Доктор нападнал колега во кумановската болница: Нападнатиот доктор избегал низ прозорецот!

Доктор нападнал колега во кумановската болница: Нападнатиот доктор избегал низ прозорецот!

Невреме со многу дожд беснее попладнево во земјава

Невреме со многу дожд беснее попладнево во земјава

Не може на секој компјутер или лаптоп: Објавени деталите за тоа каков уред им треба на децата за онлајн наставата

Не може на секој компјутер или лаптоп: Објавени деталите за тоа каков уред им треба на децата за онлајн наставата

Во Скопје не се смирува: Во земјава за еден ден нови 141 заболени

Во Скопје не се смирува: Во земјава за еден ден нови 141 заболени