Шестмина позитивни од два фудбалски клуба од Тетово: Ренова и Шкендија без тренинзи
Објавено во: Македонија 31 Мај, 2020
Четири лица од фудбалскиот клуб Ренова и двајца од Шкендија се позитивни на коронавирусот, објави Синдикатот на фудбалери на Македонија на Фејсбук.
„Денес за жал, немаме убава вест. По вчерашните тестирања во двата тетовски клуба Фк Ренова и Фк Шкендија имаме позитивни случаеви на ковид-19. По повторената анализа во лабораторијата на Аџибадем Систина за жал имаме позитивни случаеви. Информацијата ја имавме уште касно синоќа, но чекавме повторена анализа. Затоа денешните тренинзи на овие два клуба беа откажани. Имињата на заразените се уредно доставени до Фк Ренова и Фк Шкендија во текот на денот. Позитивните на ковид – 19 веднаш ќе бидат ставени во самоизолација и домашен карантин. Четворица позитивни има во таборот на Ренова и двајца во таборот на ФК Шкендија. Утре продолжуваме со тестирање и на другите тимови од првата Македонска лига“, пишува на Фејсбук Синдикатот на фудбалери.