Шекеринска: Се изнервирав за Мијалков

Добивај вести на Viber

Министерката за одбрана Радмила Шекеринска во синоќешната емисија „Клик Плус“ на ТВ21 за веста дека му застарува едно од делата на екс директорот на УБК, Сашо Мијалков, ја прифатила во шок и неверување. Таа бара реална одговорност за прислушувањето, бидејќи како што вели, се друго ќе биде прифатено со голема резерви.

„Помалку се шокирав и изнервирав кога ја прочитав првата информација. Сите го сметаме тоа како пра-делото. Јас не мислам дека прислушувањето било единствениот грев, но тоа е гревот кој ги создаде другите нивни гревови – бидејќи не преслушуваа сите после извесно време мислеа дека можат се да прават“, ја искоментира веста Шекеринска.

На поранешниот директор на УБК, Сашо Мијалков, нема да му се суди за уништувањето на опремата за прислушување, затоа што кривичното дело за кое се гонеше му застари. Судскиот процес „Тврдина-Таргет“, кој се однесува на незаконското прислушување во периодот меѓу 2008 и 2015 година се наближува кон крајот, а поради застарување ќе отпадне едно од кривичните дела на Мијалков. Застарува влијанието на Мијалков за уништувањето на опремата со која се вршело прислушувањето, а носечките кривични дела за нелегално прислушување остануваат. Предметот „Тврдина - Таргет“ го отвори СЈО.