Добивај вести на Viber
Хрватска е незадоволна од одлуката на владата на Србија за привремена забрана на извозот на шеќерна репка. Затоа, преку дипломатски канали во ЕУ се обиде да издејствува укинување на ваквата одлука, а потоа хрватскиот министер за земјоделство Тихомир Јаковина ја обвини Србија за непочитување на ЦЕФТА договорот, бидејќи го запира договорениот извоз на шеќерна репка.
Од српското министерство остануваат на тврдењето дека уредбата за забрана на извоз на шеќерна репка, сончоглед и соја, која беше усвоена од страна на српската влада е во согласност и со правилата на СТО, и не го прекршува договорот на ЦЕФТА. Владата во Србија го забрани извозот на шеќерна репка, со образложение дека земјата била изложена на екстремно високи температури и суша, што резултираше со драстично намалени приноси.