Добивај вести на Viber
Полицијата поднесе кривична пријава против две лица од Кочани за "повреда на слободата на определување на гласачите" откако како управители на фирма не им дозволувале на четворица вработени да гласаат на локалните избори.
„ОВР Кочани до надлежното ОЈО Кочани поднесе кривична пријава против Р.А. (54) и Б.Ш. (46) од Кочани поради основано сомнение дека сториле кривични дела "повреда на слободата на определување на гласачите" по чл. 160 ст.1 в.в.член 19 од КЗ. По претходна пријава, преземени се мерки од страна на полициски службеници од ОВР Кочани за расчистување на случајот.
Утврдено е дека во периодот од 08.10.2021 до 15.10.2021 година во повеќе наврати Р.А. и Б.Ш. со намера да ги спречат да си го извршат избирачко право, им се заканувале на А.Д., С. Д., А.И. и З.М., сите од Кочани дека ќе бидат избркани од работа и ќе им бидат одземени други права доколку излезат на гласање и гласаат за партијата чии симпатизери се“, објави МВР.
Осомничените лица биле повикани на информативен разговор, извршени се консултации со локалниот дежурен обвинител и против двајцата е поднесена кривична пријава.