Шапуриќ има акции во 11 компании, Филипче во четири
Објавено во: Економија 15 Април, 2019
Истражувањата на СКУП во рамките на проектот ПЕП, објави дека министерот без ресор за подобрување на инвестициската клима Зоран Шапуриќ има акции во 11 компании што е потврдено од негова страна со тврдење дека уделот е незначителен.
Станува збор за удели во Гранит – 30 акции, Телеком – 150 акции, ЗИК Пелагонија – 10, Жито Лукс – 60, Тетекс – 25, Макстил – 190, Алкалоид – 15, РЖ Услуги – 90 како и во ТТК Банка – 50, Стопанска банка – 350 и Комерцијална банка – 20.
Станува збир за 900 акции со вкупна вредност од околу 11.000 евра, што, како што вели Шапуриќ може да се провери и во институциите. Повеќето од овие акции, тврди, се безвредни.
Министерот за образование и наука, Арбер Адеми, навел дека има акции во Кожарско Преработувачки Комбинат – Куманово.
Мила Царовска, министерката за труд и социјална политика, пријавила акции кои се во сопственост на нејзината мајка во винарската визба Попова кула, а дел во Комерцијална банка.
Кочо Анѓушев, заменик претседателот на владата, кој е задолжен за економски прашања и за координација со економските ресори има 80% удели во компанијата „Фероинвест“, а неговата сопруга во „Офис рент“.
Неодамна порталот Лидер објави дека 458-те акции кои министерот Венко Филипче ги поседува се во 4 компании, од 2008 година без промена и тоа во: „Макстил“ АД, ДГ „Бетон“ АД, ГД „Гранит“ АД и „Макпетрол“ АД.