Секој десетти заразен и по три месеци се бори со симптомите на коронавирусот

Добивај вести на Viber

Луѓето кои биле инфицирани со опасниот коронавирус не се ослободуваат лесно од симптомите. 

Секој десетти заболен од корoнавирусот има симптоми и по три месеци од заразувањето, тврдат од Светската здравствена организација. 

Канцеларијата на Светската здравствена организација за Европа објави денес дека секој десетти пациент заразен со коронавирусот има симптоми на болеста и три месеци по инфекцијата.  Директорот на Канцеларијата на СЗО за Европа Ханс Клуге изјави дека таканаречениот „продолжен ковид“ останува непознаница, но дека тој проблем е реален и значаен. СЗО ги повика политичарите да направат повеќе за долготрајниот ковид да се лекува, кој меѓу останатото се манифестира и со тежок замор, болки во градите, срцеви проблеми, главоболка, заборавеност, депресија, со губиток на чувството на мирис, дијареа, кивавица, пренесува АП. Во светот веќе има повеќе од 113 милиони потврдени случаи на коронавирус. Во дел од европските земји повторно има рестрикции. Премиерката на Финска, Сана Марин, најави построги тринеделни епидемиолошки мерки поради зголемувањето на бројот на новоинфицирани со коронавирусот. Шведската влада соопшти дека ќе го скрати работното време на рестораните, баровите и кафичите, како и дека ќе го ограничи бројот на луѓе во продажните објекти за да се успори пандемијата. Германија планираше отворање, но сега е присутен стравот од нов бран. 

foto freepik